Mittwoch, März 31, 2010

MEINE ENTDECKUNG DER LANGSAMKEIT

Mei Taub’n.

1
Du sogst i hätt aufs letzte mail
Net reagiert. Des is net wohr.
Wobei i durchaus net verhehl
Dass ois a bissl anders wor.

2
I les dei mail. Hoit net sofort.
Und reagier. Des kannst ma glaubn.
I schreib da zruck. Dann schick i’s fort.
Nur net per mail. I hob a taubn.

refrain
Mei taubn kennt no net jede gossn
Sie fliagt a bissl umadum.
Ma muaß a bissl fliagn lossn
Dann kriagst mein briaf. Nur andersrum.

I kann mi voi auf sie verlossn.
Verkauf mei taubn ruhig für dumm.
Am end kummst a no in ihr gossn.
So kriagst mein briaf. Hoit andersrum.

© 30.3./31.3. 2010 matthias kempf

posted by kempf @ 20:53